acidwv

რუსთაველზე შეკრებილ მომიტინგეთა მოთხოვნების მხოლოდ 2/3-ია დაკმაყოფილებული. საზოგადოება პარლამენტის შენობასთან კვლავ იკრიბება და გიორგი გახარიას გადადგომას ითხოვს.

რა მოთხოვნები დააკმაყოფილა ხელისუფლებამ?

გახარია-კობახიძე

21 ივნისს, აქციის პირველი ტალღის შემდეგ, საქართველოს მთავრობა ორ დათმობაზე წავიდა. მათ მიიღეს გადაწყვეტილება, რომ თანამდებობიდან გადაეყენებინათ პარლამენტის თავმჯომარე-ირაკლი კობახიძე.

ირაკლი კობახიძის გადადომის შესახებ საზოგადოებას თბილისის მერმა, კახა კალაძემ აუწყა. ამას წინ პოლიტსაბჭოს რამდენიმესაათიანი სხდომა უძღვოდა, მას ბიძინა ივანიშვილიც ესწრებოდა.

ირაკლი კობახიძე პარლამენტის სპიკერის პოსტს 2016 წლის 18 ნოემბრიდან იკავებდა. 38 წლის პოლიტიკოსი დღეს ,,ქართული ოცნების” რიგითი დეპუტატია, თუმცა გუნდის აღმასრულებელი მდივნის პოსტს ინარჩუნებს.

საკანონმდებლო ორგანოს სპიკერის თანამდებობაზე 25 ივნისს ირაკლი კობახიძის ნაცვლად არჩილ თალაკვაძე აირჩიეს. გადაწყვეტილებას მხარი 94-მა დეპუტატმა დაუჭირა, წინააღმდეგი არავინ ყოფილა. პლენარულ სხდომას არ ესწრებოსნენ ,,ერთიანი ნაციონალური მოძრაობისა” და ,, ევროპული საქართველოს” წევრები.

2012-14 წლებში არჩილ თალაკვაძე სასჯელაღსრულების მინისტრის მოადგილე იყო, 2014-16 წლებში კი შინაგან საქმეთა მინისტრის მოადგილის პოსტს იკავებდა.

არჩევნების პროპორციული სისტემა

24 ივნისს ბიძინა ივანიშვილი გამოვიდა ინიციატივით, რომ 2020 წლის საპარლამენტო არჩევნები პროპორციული სისტემით ჩატარდეს. “მმართველი გუნდი იწყებს მასშტაბურ პოლიტიკურ რეფორმებს, ჩვენ გთავაზობთ პროპორციულ საარჩევნო სისტემაზე გადასვლას და სრულად აუქმებს დღეს არსებულ ბარიერს. წესდება ნულოვანი ბარიერი და არავის დასჭირდება ვინმესთან მიკედლება,”-განაცხადა მან.

რას ნიშნავს პროპორციული სისტემა? პროპორციული სისტემის მიხედვით, მანდატები თითოეული ოლქის მიხედვით ნაწილდება პარტიების მიერ მოპოვებული ხმების პროპორციულად. ასევე, ეს სისტემა ხელს უწყობს საზოგადოებაშ ძალათა თანაფარდობის რეალური სურათის ასახვას.

• 

რას ნიშნავს ნულოვანი ბარიერი? ნულოვანი ბარიერი არ ნიშნავს, რომ ნებისმიერ პარტიას 1 ხმითაც შეეძლება ოარლამენტში მოხვედრა. ამ პრინციპის მიხედვით, საკანონმდებლო ორგანოში მოხვედრა მთლიანი ხმების 0.67%-ის დაგროვებითაა შესაძლებელი, რაც პარლამენტში ერთი ადგილის ღირებულების ექვივალენტია.

მოთხოვნათა შეუსრულებელი 1/3

რუსთაველზე შეკრებილი საზოგადოება შინაგან საქმეთა მინისტრის, გიორგი გახარიას გადადგომას ითხოვს. თუმცა, სხვა მოთხოვნებისგან განსხვავებით, ეს მოთხოვნა ჯერ კიდევ არ შესრულებულა-გიორგი გახარია კვლავ იკავებს აღნიშულ პოსტს.

27 ივნისს გიორგი გახარია ტელეწამყვანებს შეხვდა და 20 ივნისის მოვლენებზე კითხვებს პასუხები გასცა. შინაგან საქმეთა მინისტრს ,,რუსთავი 2”-ის ჟურნალისტმა, თამარ ბაღაშვილმა პოსტის დატოვება ურჩია და ჰკითხა, თუ რატომ ესროლეს ხალხს ცხოველებისთვის განკუთვნილი რეზინის ტყვიები. ,,ყველაფერი, რაც აქ ხდებოდა, არის ჩემი პასუხისმგებლობის ზონა. სანამ არ დასრულდება გამოძიება როგორც უფლებამოსილების გადამეტების ნაწილში, ასევე სახელმწიფო ინსტიტუტებზე ძალადობრივი თავდასხმის ნაწილში, მე ვრჩები აქ და ვიქნები აქ,”-უპასუხა მას გიორგი გახარიამ. მინისტრის თქმით, მისი სავარძელში ჯდომა პოლიტიკური პასუხისმგებლობაა და 2- ივნისს მომხდარი მოვლენები მისი ტვირთია.

რა მოხდა 20 ივნისს?

ზემოთ გადმოცემულ ცვლილებებს ბიძგი 20 ივნისს მომხდარმა მოვლენებმა მისცა. 19 ივნისს საქართველოში მართლმადიდებლური საპარლამენტთაშორისო ასამბლეა გაიხსნა.

პროტესტი მას შემდეგ დაიყო, რაც ქართველმა ხალხმა პარლამენტის თავმჯდომარის სავარძელში რუსი დეპუტატი და არამბლეის თავმჯდომარე, სერგეი გავრილოვი იხილა. კადრების გავრცელებიდან მალევე პრეზიდიუმში ,,ერთიანი ნაციონალური მოძრაობისა” და ,,ევროპული საქართველოს” დეპუტატები საქართველოსა და ევროკავშირის დროშით შეიჭრნენ.

პროტესტის შემდეგ ასამბლეის საქმიანობა საქართველოში შეწყდა. მისი წევრები სასტუმრო ,,რედისონში” დაგაიყვანეს. მოგვიანებით, სერგეი გავრილოვი გაძლიერებული დაცვის თანხლებით სამშობლოში დააბრუნეს.

მომხდართან დაკავშირებული აქცია პარლამენტის წინ პირველად 20 ივნისს გაიმართა. მომიტინგეები რუსეთის მიერ საქართველოს ოკუპაციას აპროტესტებდნენ.

მას შემდეგ, რაც შეკრებილმა საზოგადოებამ პარლამენტის შენობაში შეჭრა და მისი დაკავება გადაწყვიტა, სპეციალური დანიშნულების რაზმებმა მათი დარბევა დაიწყო. აქციის დაშლისას გამოიყენეს რეზინის ტყვიები, ცრემლსადები გაზი და ხელკეტები. შედეგად 240 ადამიანი დაშავდა-31 ჟურნალისტი, 80 პოლიციელი და მომიტინგეები. ორმა ადამიანმა რეზინის ტყვიის მოხვედრის შედეგად თვალი დაკარგა.

20 ივნისის მოვლენებს ,,გავრილოვის ღამე” დაერქვა. თუმცა, ეს მოვლენები ჯერ კიდევ არ დასრულებულა. რუსთაველის გამზირზე აქციები ამ დრომდე იმართება, რადგან სამი მოთხოვნიდან ერთი ჯერ კიდევ არ შესრულებულა-გიორგი გახარია კვლავ შინაგან საქმეთა მინისტრია.

საქართველო დიდი ხანია დემოგრაფიული საფრთხის წინაშე დგას, ჩემი ინფოგრაფიკა აღწერს საქართველოში ხელოვნურსა და ნებაყოფლობით აბორტთა რიცხვს.

https://bit.ly/2WSO49I

შსს-ს დადგენილებით თბილისში 2 ახალგაზრდა მომაკვდინებელი ნარკოტიკის, მეფედრონის მსხვერპლი გახდა. ნარკოტიკის შემადგენლობა უცნობია და ის, გავრცელებული ინფორმაციით, სხვა ნარკოტიკების სახელით საღდებოდა.

თბილისში, 27 აპრილს, ეგრეთ წოდებული აბაზანის მარილის მიღების გამო შინაგან საქმეთა სამინისტროს ცნობით 2 ახალგაზრდა გარდაიცვალა, 8 სასწრაფო ეკიპაჟის მიერ გადაიყვანეს საავადმყოფოში. ამ დრომდე 4 ახალგზრდა სიკვდილს ებრძვის, ხოლო 4 გამოწერეს.

ექსპერტიზის პასუხები ამ დრომდე უცნობია.

ინტერვიუში ნარკოლოგმა ნატო მოწყობილმა განაცხადა, რომ “ნარკოტიკული საშუალებების ზედოზირება იწვევს გულსისხლძარღვთა უკმარისობას, რასაც საბოლოოდ გარდაცვალებმადე მივყავართ. გაურკვეველი ვითარების გამო ახალგაზრდები იღებენ ისეთ ნივთიერებებს, რომლის შესახებაც არაფერი იციან. მსგავსი შემთხვევა არა ერთხელ გამეორებულა და ვფიქრობ დაუყონებლივაა საჭირო გარკვეული ზომების მიღება.”

თბილისში შავ ბაზარზე მეფედრონს სხვადასხვა სახელით ასაღებდნენ (GHB,MDMA), რადგან მისი გარჩევა სხვა ნარკოტიკებისგან ფაქტობრივად შეუძლებელია. 

გარდაცვლილი ახალგაზრდები კლუბ “ბასიანში” იმყოფებოდნენ, თუმცა, კლუბის წევრები პასუხისმგებლობას იხსნიან “მინდა განვაცხადო, რომ ეს ახალგაზრდა ადამიანები სასწრაფო დახმარების საშუალებით არ გადაუყვანიათ “BASSIANI/HOROOM-“ის ტერიტორიიდან, როგორც ამას სხვადასხვა რეგრესული და მავნებლური ძალები ავრცელებენ. ახალგაზრდა ადამიანები საკუთარ სახლებში ძილის პერიოდში გარდაიცვალნენ.” კომენტარი გააკეთა ბასიანის დამფუძნებელმა, “თეთრი ხმაურის მოძრაობის” აქტივისტმა ნაჯა ორაშვილმა.

“თეთრი ხმაურის მოძრაობა” მიიჩნევს, რომ მომხდარი დღევანდელი ნარკოპოლიტიკის დამსახურებაა. მათი აზრით, არარეგულირებადი შავი ბაზარი მთელ მსოფლიოს უქმნის პრობლემებს. “ვინაიდან შავი ბაზარი ასეთ პირობებში სრულიად უკონტროლოა და მომხმარებელი არ არის დაცული ისეთი შემთხვევებისგან, რომ მათ ხელთ გაურკვეველი მომწამვლელი ნივთიერება აღმოჩნდეს, მეფედრონისა და სხვა მომწამლავი ნივთიერებების არსებობა რეპრესიულ ნარკოპოლიტიკასთანაა დაკავშირებული.” განაცხადა დავით სუბელიანმა, რომელიც ორგანიზაციის ერთ-ერთი მთავარი აქტივისტია.

თბილისის კრიმინალური დეპარტამენტის უფროსმა გიორგი  მოსაშვილმა გააკეთა კომენტარი “საკმაოდ გახშირდა საპატრულო სამსახურის გამოძახება ახალგაზრდების გარდაცვალებასთან დაკავშირებით, რა თქმა უნდა უმეტესია შემთვევა, როცა ისინი ნარკოტიკული საშუალებების მიღების გამო იღუპებიან. მეფედრონთან შეხება აქამდე არასდროს გვქონია. გამოუვალია მდგომარეობა კლუბებში, ღიად იყიდება ნარკოტიკული საშუალებები და სამართალდამცავები მუდმივად მუშაობენ ამ ვითარების გამოსასწორებლად, ტყუილია, რომ სახელმწიფო არ ზრუნავს და ატარებს ცუდ ნარკოპილიტიკას, ისინი დაუღალავად შრომობენ, რათა საფუძვლიანად აღმოფხვრან ეს პრობლემა, თუმცა, აუცილებელია ისიც, რომ ახალგაზრდა თობამ გაიაზროს ფსიქოაქტიური ნივთიერებების მავნებლობა და ფსიქოლოგიურად გაუჯდეთ მათ, რომ საკუთარ თავს ყველაზე დიდი შეცდომის დაშვების უფლებას მისცემენ მათი გამოყენების შემთხვევაში. კლუბის ტერიოტორიაზე ნარკოტიკული საშუალების მიღების გამო გამოძახება არასდროს ყოფილა.”

2017 წელს მსგავსი შემთხვევა განმეორდა ანაკლიაში ჩატარებულ ფესტივალ “GEM-FEST”-ზე, გარდაიცვალა 22 წლის გოგო GHB-ის მიღების გამო, რომელიც რისკის შემცველი ფსიქოსტიმულატორია.

ინტერვიუში საქართველოს პარლამენტის წევრმა ჯონდი ბაღთურიამ განაცხადა: “ამ პრობლემის აღმოფხვრის 2 გზა არსებობს, პირველი ის, რომ საკანონმდებლო ბაზა უნდა დაიხვეწოს, უნდა გამკაცრდეს სასჯელი ნარკოდილერების მიმართ, მათ უნდა ემუქრებოდეთ უვადო პატიმრობა და ქონების კომფისკაცია, რადგან ნარკომოვაჭრეები პირდაპირი გაგებით სიკვდილის გამყიდველები არიან. მეორე მხრივ უნდა გამოვიდეს ხალხი, მათ უნდა გამოთქვან პრეტენზია, რათა აუხილონ სახელმწიფოს თვალი. რაც შეეხება ნარკოდამოკიდებულებს, ისინი ავადმყოფები არიან, ხოლო ავადმყოფი ადამიანი არ უნდა ჩასვა ციხეში.”

ევროსაბჭოს 2016-2017 წლის ანგარიშით საქართველოში სისხლისსამართლებრივი დევნის დაწყების ყველაზე მაღალი მაჩვენებელი დაფიქსირდა ჯერ სისხლის სამართლის კოდექსის 177-ე მუხლი (ქურდობა), შემდეგ 260-ე მუხლი (ნარკოტიკული საშუალების, მისი ანალოგის, პრეკურსორის ან ახალი ფსიქოაქტიური ნივთიერების უკანონო დამზადება, შეძენა, შენახვა, გადაზიდვა ან გადაგზავნა)

არასამთავრობო ორგანიზანია “ბემონის” კვლევის მიხედვით საქართველოში ინექციური ნარკოტიკების მომხმარებელთა რაოდენობა დაახლოებით 49 700-ს შეადგენს. ქვეყანაში მკურნალობა 6 კლინიკაში ტარდება, ერთ-ერთი კლინიკა დაფუძნებულია ბათუმში. სარეაბილიტაციო ცენტრებში შესაძლებელია ამბულატორიული დეტოქსიკაციისა და მოკლევადიანი რეაბილიტაციის ჩატარება.

“დღესდღეობით უამრავი პაციენტი მყავს, რომელსაც კლუბური ნარკოტიკული საშუალებების მიღების შედეგად უამრავი ფსიქოლოგიური დარღვევა აქვს. ფსიქოაქტიური ნივთიერებების მიღება მოქმედებს ნერვულ სისტემაზე და ცვლის ფსიქიკურ მდგომარეობას”,- ინტერვიუში განაცხადა ფსიქოლოგმა დარეჯან თოლორდავამ.

ბიონარკოტიკი მეფედრონი არის სტიმულატორი ამფეტამინის და კათინონის ჯგუფიდან, მას იცნობენ როგორც “აბაზანის მარილს”, MEPH, MEOW, MIAOW-MIAOW, M-CAT და ა.შ. იგი არსებობს თეთრი ფხვნილის სახით, მოხმარება კი შესაძლებელია, როგოც სასუნთქი გზის საშუალებით, ინტრავენურად, ასევე ორალური გზით. მეფედრონის სიმპტომებია: ენერგიის მოზღვავება, აგზნება, ეიფორია, ცხვირიდან სისხლდენა, სუნთქვის გახშირება. 2008 წელს იგი აკრძალული ნარკოტიკების სიაში ერთხმად რამდენიმე სახელწიფომ შეიყვანა. საქართველოში მეფედრონი 2009 წელს გამოჩნდა, მას სახლის პირობებში ამზადებდნენ, თუმცა, მალევე გახდა შესაძლებელი მისი მზა მდგომარეობაში შეძენა.

მეფედრონის სხვა ნივთიერებებთან მიღებას შეუძლია ფატალურ შედეგამდე მიგვიყვანოს.

2019 წლის 1-ლი აპრილიდან მომხმარებელი მაღაზიებში ცელოფნის პარკებს ვეღარ მოითხოვენ. ახალი რეგულაციით, მსგავსი შემთხვევის დაფიქსირების შემთხვევაში მაღაზია დაჯარიმდება 500 ლარითა და პროდუქციის კონფისკაციით, გამეორების შემთხვევაში 1000 კი ლარით.

როგორ ჩანაცვლდება პოლიეთილენის პარკი?

პოლიეთილენის პარკის ბუნებაში სრულ დაშლას 100 წელი სჭირდება. 1–ლი აპრილიდან ამოქმედებული კანონის მიხედვით კი დაშვებული იქნება მხოლოდ ბიოდეგრადირებადი და კომპოსტირებადი პარკი. მსგავსი პარკების სრულ დაშლას შესაბამის კლიმატურ პირობებში 6 თვე სჭირდება.

სპეციალისტების თქმით, ცელოფნის პარკი შეგიძლია დაამზადო ჩვეულებრივი პოლიეთილენისგან, ბიოდეგრადირებადი პარკი კი შეიძლება დამზადდეს ამავე პოლიეთილენზე შესაბამისი ნივთიერებების დამატებით, რაც საბოლოოდ პარკის გაქრობას იწვევს. ამაზე ინფორმაციას გამოცემა ,,ბათუმელები” გვაწვდის.

მეტი კანონის შესახებ…

გაყიდვასთან ერთად აკრძალულია პოლიეთილენის პარკის ადგილზე წარმოება და იმპორტი. წარმოებას საქართველოს გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტი, ხოლო იმპორტს ზედამხედველობას ფინანსთა სამინისტროს საბაჟო სამსახური გააკონტროლებს. კანონის მიხედვით, რეალიზატორებს ადგილობრივი თვითმმართველობის ორგანოები შეამოწმებენ.

კიდევ ერთი აუცილებელი პირობის მიხედვით, ბიოდეგრადირებად და კომპოსტირებად პარკებზე დატანილი უნდა იყოს წარწერა, რომელიც მყიდველს დამატებით ინფორმაციას მიაწვდის− „ბიოდეგრადირებადი და კომპოსტირებადი პარკი“, ინფორმაცია მწარმოებლის შესახებ და შემადგენლობა.

რა ბედი ეწევა ცელოფნის პარკის წარმოებას?

საქართველოში ცელოფნის პარკის ბიზნესის მეპატრონეები ახალ დადგენილებას უკმაყოფილებით შეხვდნენ –მათმა საწარმოებმა მუშაობა შეწყვიტა. ბათუმელების ინფორმაციით, 1-ლი აპრილის დადგენილების გამო უკვე 30-ზე მეტი ქარხანა დაიხურა, შედარებით მსხვილი ქარხნები კი მცირე დატვირთვით მუშაობენ. მეწარმეების ასევე უკმაყოფილებას გამოთქვამენ იმის გამო, რომ საწარმოების გადაიარაღებისთვის სახელმწიფომ მათ საკმაოდ მცირე დრო მისცა, მაშინ, როცა თავად სახელმწიფომ ამ დროში ვერ უზრუნველყო ისეთი ლაბორატორიის ამოქმედება, სადაც შემოწმდება პარკი არის თუ არა ნამდვილად ბიოდეგრადირებადი.

დღესდღეობით “ჯეოსელს” 2 მილიონი მომხმარებელი ჰყავს. 19 მარტს, დღის მეორე ნახევარში, მათ არ შეეძლოთ მოკლე ტექსტური შეტყობინების გაგზავნა, დარეკვა და შეუწყდათ ინტერნეტთან წვდომა, რამაც მათი უკმაყოფილება გამოიწვია. იქნება თუ არა ეს შემთხვევა ქსელისთვის საზიანო?

“ჯეოსელის” ქსელის შეფერხებით დაინტერესდა სხვადასხვა მედია საშუალება, მაგრამ მათი ინფორმაცია ერთმანეთისაგან განსხვავებული და ვრცელი არ იყო.

ხარვეზის მიზეზებზე კომენტარი საკუთარ ფეისბუკ გვერდზე გააკეთეს. მათი თქმით, ამის მიზეზი ავარიული სისტემური დაზიანება იყო. მდგომარეობა სრულიად გამოსწორდა 22:32 საათზე.

მსგავსი შემთხვევა დაფიქსირდა 2 თებერვალსაც. სილქნეტის ჯგუფმა ბოდიში მოუხადა მომხმარებლებს და დაზარალებულები კომპენსაციის სახით 5 მეგაბაიტი ინტერნეტ პაკეტით დაასაჩუქრა. ამის შესახებ ინფორმაცია ნეტგაზეთმა გაავრცელა.

“ჯესოელის” ერთ-ერთი კონკურენტი ქსელი “მაგთია”. მომხდარი ფაქტი სათავისოდ გამოიყენა “მაგთიმ” და ფეისბუკ გვერდზე გამოქვეყნა პოსტი, რომლის შინაარსი ასეთი იყო: “საღამოს 9 საათია და ჩვენთან ყველაფერი გენიალიურადაა… #ყველაზესაიმედოქსელი ” .

2019 წელს “ჯეოსელში” ორი შეფერხება დაფიქსირდა, რაც მომხმარებლის უკმაყოფილებას იწვევს. მათი მთავარი კითხვაა-როდემდე გაგრძელდება?

მთავარი სურათი წყარო news.ge

არის შემთხვევები როდესაც მედიაში გარკვეულ დარღვევებს ვხვდებით. ხშირ შემთხვევაში ისინი შეუმჩნეველია, მაგრამ, სამწუხაროდ, ვხვდებით ისეთ დარღვევებსაც, რომლებიც ნათლად ჩანს. ზოგჯე ჟურნალისტები აქვეყნებენ სტატიებს სადაც დარღვეული არის ეთიკური ნორმები, არ არის დაცული ბალანსი, ობიექტურობა და ა.შ. ამ დარღვევების უკეთ წარმოსადგენად მოვიყვან შემდეგ მაგალითებს:

cyc.ge – ს მიერ 24 თებერვალს გამოქვეყნებულ სტატიაში ინფორმაცია გადაუმწმებლად არის დაწერილი. შესაძლო ფაქტს მხოლოდ ერთი რესპონდენტი, ზვიად კუპრავას დედა, ადასტურებს. სტატიაში არ არის მოცემული შინაგან საქმეთა სამინისტროს კომენტარი, არც კი ჩანს რომ ავტორმა მათთან  დაკავშირება სცადა. სტატიაზე არც ფოტო და ვიდეო მასალა არ არის მიბმული, რომელიც დაადასტურებს, რომ ოფისი ნამდვილად დარბეულია. გადაუმოწმებელი ინფორმაცია სათაურშივეა მოყვანილი.

http://cyc.ge/%E1%83%96%E1%83%95%E1%83%98%E1%83%90%E1%83%93-%E1%83%99%E1%83%A3%E1%83%9E%E1%83%A0%E1%83%90%E1%83%95%E1%83%90-%E1%83%93%E1%83%90%E1%83%90%E1%83%99%E1%83%90%E1%83%95%E1%83%94%E1%83%A1-%E1%83%93/?fbclid=IwAR35NFF0l8XsdyTX1rgfHp4ea1qu2OQq36knrgRnQ6eqdAGgwhgVuAPZnig

ავტორი სათაურშივე აღნიშნავს, რომ მეგი გოცირიძის მამა ე.წ. კანონიერი ქურდია, რითაც წინასწარ უქმნის უარყოფით განწყობას მკითხველს ამ პიროვნებისადმი. გადმოცემულ ფაქტს არავინ ადასტურებს ერთი პირის გარდა, არ არის შინაგან საქმეთა სამინისტროს, მეგი გოცირიძის, ან იმ ადამიანის კომენტარი, ვინც ფაქტს უშუალოდ შეესწრო. არ ჩანს, რომ ავტორმა სცადა მათთან კონტაქტზე გასვლა.

https://www.pia.ge/post/133488–kanonieri-qurdis-svili-megi-gocirize-aslamazova-parizsi-qurdobistvis-daakaves-